Hadalo Dhaxal Gala (Qaybta: 6)

(Iimaanka, xaqiiqada nolosha, geerida, dambiga, camalka suuban, baraaruga qalbiga iyo waxyaabo kale oo u baahan in la xusuusto)

(31) Sufyaan As-Sawri رحمه الله ayaa yidhi:

إن اتقيت الله كفاك الناس، وإن اتقيت الناس فلن يغنوا عنك من الله شيئاً.

"Haddii aad Ilaahay ka cabsato wuxuu kaa kaafiyi dadka, haddiise aad ka cabsato dadka waxba kaa tari maayaan Ilaahay xagiisa".

(32) Ibnu Qayim رحمه الله ayaa ydihi:

إضاعة الوقت أشد من الموت؛ لأن إضاعة الوقت تقطعك عن الله والدار الآخرة، والموت يقطعك عن الدنيا وأهلها

" Dayicida (Luminta) waqtiga ayaa ka daran geerida, waayo luminta waqtigu waxay kaa goynaysaa ( fogaynaysaa) Ilaahay iyo daarta aakhiro, geeriduse waxay kaa goynaysaa dunida iyo ehelkeeda".

(33) Xasan Al-Basri رحمه الله ayaa yidhi:

الدنيا ثلاثة أيام: أما الأمس فقد ذهب بما فيه، وأما غداً فلعلّك لا تدركه، وأما اليوم فلك فاعمل فيه

" Aduunyadu waa seddex maalmood: Shalay oo la tagtay wixii ku dhex jiray, bari oo laga yaabo in aanad gaadhin, maantase adaa leh ee ku camal fal".

(34) Xasan Al-Basri رحمه الله ayaa yidhi:

يا ابن آدم، نهارك ضيفك فأحسِن إليه، فإنك إن أحسنت إليه ارتحل بحمدك، وإن أسأت إليه ارتحل بذمِّك، وكذلك ليلتك

" Bani aadamow, maalintaadu waa maritadaada ee u wanaag samee, haddii aad wanaajiso wuxuu la tagi ammaantaada, haddii aad xumaysana wuxuu la tagi ceebtaada, habeenkaaguna waa sidaa oo kale".

(35) Ibnu Qayim رحمه الله ayaa yidhi:

المؤمن يتوجع لعثرة أخيه المؤمن كأنه هو الذي عثر بها ، فلا يشمت به

"Mu'minku wuu ka damqadaa turunturada walaalkiisa Muslinka ah, sidii uu isagu turunturooday oo kale, kumana wiirsado".

(36) Ibnu Jawzi رحمه الله ayaa yidhi:

من تفكر في عواقب الدنيا أخذ الحذر, ومن أيقن بطول الطريق تأهب للسفر

"Qofkii ka fakira cidhibta aduunydu wuu digtoonaadaa, qofkii yaqiinsada dheerida jidkuna safarka ayuu isku diyaariyaa".